6 Adjuvantes autem exhortamur, ne in vacuum gratiam Dei recipiatis.
Adiuvantes autem et exhortamur ne in vacuum gratiam Dei recipiatis.
2 Ait enim :Tempore accepto exaudivi te, et in die salutis adjuvi te. Ecce nunc tempus acceptabile, ecce nunc dies salutis.
Ait enim tempore accepto exaudivi te et in die salutis adiuvavi te ecce nunc tempus acceptabile ecce nunc dies salutis.
3 Nemini dantes ullam offensionem, ut non vituperetur ministerium nostrum ;
Nemini dantes ullam offensionem ut non vituperetur ministerium.
4 Sed in omnibus exhibeamus nosmetipsos sicut Dei ministros, in multa patientia, in tribulationibus, in necessitatibus, in angustiis ;
Sed in omnibus exhibeamus nosmet ipsos sicut Dei ministros in multa patientia in tribulationibus in necessitatibus in angustiis.
5 In plagis, in carceribus, in seditionibus, in laboribus, in vigiliis, in jejuniis ;
In plagis in carceribus in seditionibus in laboribus in vigiliis in ieiuniis.
6 In castitate, in scientia, in longanimitate, in suavitate, in Spiritu sancto, in caritate non ficta ;
In castitate in scientia in longanimitate in suavitate in Spiritu Sancto in caritate non ficta.
7 In verbo veritatis, in virtute Dei, per arma justitiæ a dextris, et a sinistris ;
In verbo veritatis in virtute Dei per arma iustitiae a dextris et sinistris.
8 Per gloriam, et ignobilitatem, per infamiam, et bonam famam ; ut seductores, et veraces ; sicut qui ignoti, et cogniti ;
Per gloriam et ignobilitatem per infamiam et bonam famam ut seductores et veraces sicut qui ignoti et cogniti.
9 Quasi morientes, et ecce vivimus ; ut castigati, et non mortificati ;
Quasi morientes et ecce vivimus ut castigati et non mortificati.
10 Quasi tristes, semper autem gaudentes ; sicut egentes, multos autem locupletantes ; tanquam nihil habentes, et omnia possidentes.
Quasi tristes semper autem gaudentes sicut egentes multos autem locupletantes tamquam nihil habentes et omnia possidentes.
11 Os nostrum patet ad vos, o Corinthii ! cor nostrum dilatatum est.
Os nostrum patet ad vos o Corinthii cor nostrum dilatatum est.
12 Non angustiamini in nobis, angustiamini autem in visceribus vestris ;
Non angustiamini in nobis angustiamini autem in visceribus vestris.
13 Eamdem autem habentes remunerationem, tanquam filiis dico, dilatamini et vos.
Eandem autem habentes remunerationem tamquam filiis dico dilatamini et vos.
14 Nolite jugum ducere cum infidelibus ; quæ enim participatio justitiæ cum iniquitate ? Aut quæ societas luci ad tenebras ?
Nolite iugum ducere cum infidelibus quae enim participatio iustitiae cum iniquitate aut quae societas luci ad tenebras.
15 Quæ autem conventio Christi ad Belial ? Aut quæ pars fideli cum infideli ?
Quae autem conventio Christi ad Belial aut quae pars fideli cum infidele.
16 Qui autem consensus templo Dei cum idolis ? Vos enim estis templum Dei vivi, sicut dicit Deus : Quoniam inhabitabo in illis, et inambulabo inter eos, et ero illorum Deus, et ipsi erunt mihi populus.
Qui autem consensus templo Dei cum idolis vos enim estis templum Dei vivi sicut dicit Deus quoniam inhabitabo in illis et inambulabo et ero illorum Deus et ipsi erunt mihi populus.
17 Propter quod exite de medio eorum, et separamini, dicit Dominus, et immundum ne tetigeritis ;
Propter quod exite de medio eorum et separamini dicit Dominus et inmundum ne tetigeritis.
18 Et ego recipiam vos ; et ero vobis in patrem, et vos eritis mihi in filios et filias, dicit Dominus omnipotens.
Et ego recipiam vos et ero vobis in patrem et vos eritis mihi in filios et filias dicit Dominus omnipotens.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
