3 Igitur, si consurrexistis cum Christo, quæ sursum sunt quærite, ubi Christus est in dextera Dei sedens ;
Igitur si conresurrexistis Christo quae sursum sunt quaerite ubi Christus est in dextera Dei sedens.
2 Quæ sursum sunt sapite, non quæ super terram.
Quae sursum sunt sapite non quae supra terram.
3 Mortui enim estis, et vita vestra est abscondita cum Christo in Deo.
Mortui enim estis et vita vestra abscondita est cum Christo in Deo.
4 Cum Christus apparuerit, vita vestra tunc et vos apparebitis cum ipso in gloria.
Cum Christus apparuerit vita vestra tunc et vos apparebitis cum ipso in gloria.
5 Mortificate ergo membra vestra, quæ sunt super terram, fornicationem, immunditiam, libidinem, concupiscentiam malam, et avaritiam, quæ est simulacrorum servitus ;
Mortificate ergo membra vestra quae sunt super terram fornicationem inmunditiam libidinem concupiscentiam malam et avaritiam quae est simulacrorum servitus.
6 Propter quæ venit ira Dei super filios incredulitatis ;
Propter quae venit ira Dei super filios incredulitatis.
7 In quibus et vos ambulastis aliquando, cum viveretis in illis.
In quibus et vos ambulastis aliquando cum viveretis in illis.
8 Nunc autem deponite et vos omnia, iram, indignationem, malitiam, blasphemiam, turpem sermonem de ore vestro.
Nunc autem deponite et vos omnia iram indignationem malitiam blasphemiam turpem sermonem de ore vestro.
9 Nolite mentiri invicem, expoliantes vos veterem hominem cum actibus suis,
Nolite mentiri invicem expoliantes vos veterem hominem cum actibus eius.
10 Et induentes novum, eum qui renovatur in agnitionem, secundum imaginem ejus qui creavit illum ;
Et induentes novum eum qui renovatur in agnitionem secundum imaginem eius qui creavit eum.
11 Ubi non est gentilis, et Judæus, circumcisio, et præputium, Barbarus et Scytha, servus et liber ; sed omnia, et in omnibus Christus.
Ubi non est gentilis et Iudaeus circumcisio et praeputium barbarus et Scytha servus et liber sed omnia et in omnibus Christus.
12 Induite vos ergo sicut electi Dei, sancti, et dilecti, viscera misericordiæ, benignitatem, humilitatem, modestiam, patientiam ;
Induite vos ergo sicut electi Dei sancti et dilecti viscera misericordiae benignitatem humilitatem modestiam patientiam.
13 Supportantes invicem, et donantes vobismetipsis, si quis adversus aliquem habet querelam ; sicut et Dominus donavit vobis, ita et vos.
Subportantes invicem et donantes vobis ipsis si quis adversus aliquem habet querellam sicut et Dominus donavit vobis ita et vos.
14 Super omnia autem hæc, caritatem habete, quod est vinculum perfectionis.
Super omnia autem haec caritatem quod est vinculum perfectionis.
15 Et pax Christi exsultet in cordibus vestris, in qua et vocati estis in uno corpore ; et grati estote.
Et pax Christi exultet in cordibus vestris in qua et vocati estis in uno corpore et grati estote.
16 Verbum Christi habitet in vobis abundanter, in omni sapientia, docentes, et commonentes vosmetipsos, psalmis, hymnis, et canticis spiritualibus, in gratia cantantes in cordibus vestris Deo.
Verbum Christi habitet in vobis abundanter in omni sapientia docentes et commonentes vosmet ipsos psalmis hymnis canticis spiritalibus in gratia cantantes in cordibus vestris Deo.
17 Omne quodcumque facitis in verbo aut in opere, omnia in nomine Domini Jesu Christi, gratias agentes Deo et Patri per ipsum.
Omne quodcumque facitis in verbo aut in opere omnia in nomine Domini Iesu gratias agentes Deo et Patri per ipsum.
18 Mulieres, subditæ estote viris, sicut oportet, in Domino.
Mulieres subditae estote viris sicut oportet in Domino.
19 Viri, diligite uxores vestras, et nolite amari esse ad illas.
Viri diligite uxores et nolite amari esse ad illas.
20 Filii, obedite parentibus per omnia, hoc enim placitum est in Domino.
Filii oboedite parentibus per omnia hoc enim placitum est in Domino.
21 Patres, nolite ad indignationem provocare filios vestros, ut non pusillo animo fiant.
Patres nolite ad indignationem provocare filios vestros ut non pusillo animo fiant.
22 Servi, obedite per omnia dominis carnalibus, non ad oculum servientes, quasi hominibus placentes ; sed in simplicitate cordis, timentes Deum.
Servi oboedite per omnia dominis carnalibus non ad oculum servientes quasi hominibus placentes sed in simplicitate cordis timentes Dominum.
23 Quodcumque facitis, ex animo operamini, sicut Domino, et non hominibus ;
Quodcumque facitis ex animo operamini sicut Domino et non hominibus.
24 Scientes quod a Domino accipietis retributionem hæreditatis. Domino Christo servite.
Scientes quod a Domino accipietis retributionem hereditatis Domino Christo servite.
25 Qui enim injuriam facit, recipiet id quod inique gessit ; et non est personarum acceptio apud Deum.
Qui enim iniuriam facit recipiet id quod inique gessit et non est personarum acceptio.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
