6 Fratres, etsi præoccupatus fuerit homo in aliquo delicto, vos qui spirituales estis, hujusmodi instruite in spiritu lenitatis ; considerans teipsum, ne et tu tenteris.
Fratres et si praeoccupatus fuerit homo in aliquo delicto vos qui spiritales estis huiusmodi instruite in spiritu lenitatis considerans te ipsum ne et tu tempteris.
2 Alter alterius onera portate, et sic adimplebitis legem Christi.
Alter alterius onera portate et sic adimplebitis legem Christi.
3 Nam si quis existimat se aliquid esse, cum nihil sit, ipse se seducit.
Nam si quis existimat se aliquid esse cum sit nihil ipse se seducit.
4 Opus autem suum probet unusquisque, et sic in semetipso tantum gloriam habebit, et non in altero.
Opus autem suum probet unusquisque et sic in semet ipso tantum gloriam habebit et non in altero.
5 Unusquisque enim onus suum portabit.
Unusquisque enim onus suum portabit.
6 Communicet autem is, qui catechizatur verbo, ei qui se catechizat, in omnibus bonis.
Communicet autem is qui catecizatur verbum ei qui se catecizat in omnibus bonis.
7 Nolite errare, Deus non irridetur.
Nolite errare Deus non inridetur quae enim seminaverit homo haec et metet.
8 Quæ enim seminaverit homo, hæc et metet quoniam qui seminat in carne sua, de carne et metet corruptionem ; qui autem seminat in spiritu, de spiritu metet vitam æternam.
Quoniam qui seminat in carne sua de carne et metet corruptionem qui autem seminat in spiritu de spiritu metet vitam aeternam.
9 Bonum autem facientes, non deficiamus ; tempore enim suo metemus non deficientes.
Bonum autem facientes non deficiamus tempore enim suo metemus non deficientes.
10 Ergo, dum tempus habemus, operemur bonum ad omnes, maxime autem ad domesticos fidei.
Ergo dum tempus habemus operemur bonum ad omnes maxime autem ad domesticos fidei.
11 Videte qualibus litteris scripsi vobis mea manu.
Videte qualibus litteris scripsi vobis mea manu.
12 Quicumque enim volunt placere in carne, hi cogunt vos circumcidi, tantum ut crucis Christi persecutionem non patiantur.
Quicumque volunt placere in carne hii cogunt vos circumcidi tantum ut crucis Christi persecutionem non patiantur.
13 Neque enim qui circumciduntur, legem custodiunt ; sed volunt vos circumcidi, ut in carne vestra glorientur.
Neque enim qui circumciduntur legem custodiunt sed volunt vos circumcidi ut in carne vestra glorientur.
14 Mihi autem absit gloriari, nisi in cruce Domini nostri Jesu Christi, per quem mihi mundus crucifixus est, et ego mundo !
Mihi autem absit gloriari nisi in cruce Domini nostri Iesu Christi per quem mihi mundus crucifixus est et ego mundo.
15 In Christo enim Jesu neque circumcisio aliquid valet, neque præputium, sed nova creatura.
In Christo enim Iesu neque circumcisio aliquid valet neque praeputium sed nova creatura.
16 Et quicumque hanc regulam secuti fuerint, pax super illos, et misericordia, et super Israel Dei.
Et quicumque hanc regulam secuti fuerint pax super illos et misericordia et super Israhel Dei.
17 De cetero nemo mihi molestus sit ; ego enim stigmata Domini Jesu in corpore meo porto.
De cetero nemo mihi molestus sit ego enim stigmata Iesu in corpore meo porto.
18 Gratia Domini nostri Jesu Christi cum spiritu vestro, fratres. Amen.
[Gratia Domini nostri Iesu Christi cum spiritu vestro fratres amen.]
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
