9 Et præteriens Jesus vidit hominem cæcum a nativitate.
Et praeteriens vidit hominem caecum a nativitate.
2 Et interrogaverunt eum discipuli ejus : Rabbi, quis peccavit, hic, aut parentes ejus, ut cæcus nasceretur ?
Et interrogaverunt eum discipuli sui rabbi quis peccavit hic aut parentes eius ut caecus nasceretur.
3 Respondit Jesus : Neque hic peccavit, neque parentes ejus ; sed ut manifestentur opera Dei in illo.
Respondit Iesus neque hic peccavit neque parentes eius sed ut manifestetur opera Dei in illo.
4 Me oportet operari opera ejus qui misit me, donec dies est ; venit nox, quando nemo potest operari.
Me oportet operari opera eius qui misit me donec dies est venit nox quando nemo potest operari.
5 Quamdiu sum in mundo, lux sum mundi.
Quamdiu in mundo sum lux sum mundi.
6 Hæc cum dixisset, exspuit in terram, et fecit lutum ex sputo, et linivit lutum super oculos ejus.
Haec cum dixisset expuit in terram et fecit lutum ex sputo et linuit lutum super oculos eius.
7 Et dixit ei : Vade, lava in natatoria Siloe (quod interpretatur Missus). Abiit ergo, et lavit, et venit videns.
Et dixit ei vade lava in natatoria Siloae quod interpretatur Missus abiit ergo et lavit et venit videns.
8 Itaque vicini, et qui viderant eum prius quia mendicus erat, dicebant : Nonne hic est qui sedebat, et mendicabat ? Alii dicebant : Quia hic est.
Itaque vicini et qui videbant eum prius quia mendicus erat dicebant nonne hic est qui sedebat et mendicabat alii dicebant quia hic est.
9 Alii autem : Nequaquam, sed similis est ei. Ille vero dicebat : Quia ego sum.
Alii autem nequaquam sed similis est eius ille dicebat quia ego sum.
10 Dicebant ergo ei : Quomodo aperti sunt tibi oculi ?
Dicebant ergo ei quomodo aperti sunt oculi tibi.
11 Respondit : Ille homo, qui dicitur Jesus, lutum fecit, et unxit oculos meos, et dixit mihi : Vade ad natatoria Siloe, et lava. Et abii, et lavi, et video.
Respondit ille homo qui dicitur Iesus lutum fecit et unxit oculos meos et dixit mihi vade ad natatoriam Siloae et lava et abii et lavi et vidi.
12 Et dixerunt ei : Ubi est ille ? Ait : Nescio.
Dixerunt ei ubi est ille ait nescio.
13 Adducunt eum ad pharisæos, qui cæcus fuerat.
Adducunt eum ad Pharisaeos qui caecus fuerat.
14 Erat autem sabbatum, quando lutum fecit Jesus, et aperuit oculos ejus.
Erat autem sabbatum quando lutum fecit Iesus et aperuit oculos eius.
15 Iterum ergo interrogabant eum pharisæi, quomodo vidisset. Ille autem dixit eis : Lutum mihi posuit super oculos, et lavi, et video.
Iterum ergo interrogabant eum Pharisaei quomodo vidisset ille autem dixit eis lutum posuit mihi super oculos et lavi et video.
16 Dicebant ergo ex pharisæis quidam : Non est hic homo a Deo, qui sabbatum non custodit. Alii autem dicebant : Quomodo potest homo peccator hæc signa facere ? Et schisma erat inter eos.
Dicebant ergo ex Pharisaeis quidam non est hic homo a Deo quia sabbatum non custodit alii dicebant quomodo potest homo peccator haec signa facere et scisma erat in eis.
17 Dicunt ergo cæco iterum : Tu quid dicis de illo, qui aperuit oculos tuos ? Ille autem dixit : Quia propheta est.
Dicunt ergo caeco iterum tu quid dicis de eo qui aperuit oculos tuos ille autem dixit quia propheta est.
18 Non crediderunt ergo Judæi de illo, quia cæcus fuisset, et vidisset, donec vocaverunt parentes ejus, qui viderat.
Non crediderunt ergo Iudaei de illo quia caecus fuisset et vidisset donec vocaverunt parentes eius qui viderat.
19 Et interrogaverunt eos, dicentes : Hic est filius vester, quem vos dicitis quia cæcus natus est ? Quomodo ergo nunc videt ?
Et interrogaverunt eos dicentes hic est filius vester quem vos dicitis quia caecus natus est quomodo ergo nunc videt.
20 Responderunt eis parentes ejus, et dixerunt : Scimus quia hic est filius noster, et quia cæcus natus est.
Responderunt eis parentes eius et dixerunt scimus quia hic est filius noster et quia caecus natus est.
21 Quomodo autem nunc videat, nescimus ; aut quis ejus aperuit oculos, nos nescimus ; ipsum interrogate ; ætatem habet, ipse de se loquatur.
Quomodo autem nunc videat nescimus aut quis eius aperuit oculos nos nescimus ipsum interrogate aetatem habet ipse de se loquatur.
22 Hæc dixerunt parentes ejus, quoniam timebant judæos ; jam enim conspiraverunt judæi, ut si quis eum confiteretur esse Christum, extra synagogam fieret.
Haec dixerunt parentes eius quia timebant Iudaeos iam enim conspiraverant Iudaei ut si quis eum confiteretur Christum extra synagogam fieret.
23 Propterea parentes ejus dixerunt : Quia ætatem habet, ipsum interrogate.
Propterea parentes eius dixerunt quia aetatem habet ipsum interrogate.
24 Vocaverunt ergo rursum hominem, qui fuerat cæcus, et dixerunt ei : Da gloriam Deo. Nos scimus quia hic homo peccator est.
Vocaverunt ergo rursum hominem qui fuerat caecus et dixerunt ei da gloriam Deo nos scimus quia hic homo peccator est.
25 Dixit ergo eis ille : Si peccator est, nescio ; unum scio quia cæcus cum essem, modo video.
Dixit ergo ille si peccator est nescio unum scio quia caecus cum essem modo video.
26 Dixerunt ergo illi : Quid fecit tibi ? Quomodo aperuit tibi oculos ?
Dixerunt ergo illi quid fecit tibi quomodo aperuit tibi oculos.
27 Respondit eis : Dixi vobis jam, et audistis ; quid iterum vultis audire ? Numquid et vos vultis discipuli ejus fieri ?
Respondit eis dixi vobis iam et audistis quid iterum vultis audire numquid et vos vultis discipuli eius fieri.
28 Maledixerunt ergo ei, et dixerunt : Tu discipulus illius sis ; nos autem Moysi discipuli sumus.
Maledixerunt ei et dixerunt tu discipulus illius es nos autem Mosi discipuli sumus.
29 Nos scimus quia Moysi locutus est Deus ; hunc autem nescimus unde sit.
Nos scimus quia Mosi locutus est Deus hunc autem nescimus unde sit.
30 Respondit ille homo, et dixit eis : In hoc enim mirabile est, quia vos nescitis unde sit, et aperuit meos oculos.
Respondit ille homo et dixit eis in hoc enim mirabile est quia vos nescitis unde sit et aperuit meos oculos.
31 Scimus autem quia peccatores Deus non audit ; sed si quis Dei cultor est, et voluntatem ejus facit, hunc exaudit.
Scimus autem quia peccatores Deus non audit sed si quis Dei cultor est et voluntatem eius facit hunc exaudit.
32 A sæculo non est auditum, quia quis aperuit oculos cæci nati.
A saeculo non est auditum quia aperuit quis oculos caeci nati.
33 Nisi esset hic a Deo ; non poterat facere quidquam.
Nisi esset hic a Deo non poterat facere quicquam.
34 Responderunt, et dixerunt ei : In peccatis natus es totus, et tu doces nos ? Et ejecerunt eum foras.
Responderunt et dixerunt ei in peccatis natus es totus et tu doces nos et eiecerunt eum foras.
35 Audivit Jesus quia ejecerunt eum foras ; et cum invenisset eum, dixit ei : Tu credis in Filium Dei ?
Audivit Iesus quia eiecerunt eum foras et cum invenisset eum dixit ei tu credis in Filium Dei.
36 Respondit ille, et dixit : Quis est, Domine, ut credam in eum ?
Respondit ille et dixit quis est Domine ut credam in eum.
37 Et dixit ei Jesus : Et vidisti eum, et qui loquitur tecum, ipse est.
Et dixit ei Iesus et vidisti eum et qui loquitur tecum ipse est.
38 At ille ait : Credo, Domine. Et procidens adoravit eum.
At ille ait credo Domine et procidens adoravit eum.
39 Et dixit Jesus : In judicium ego in hunc mundum veni ut qui non vident, videant, et qui vident, cæci fiant.
Dixit ei Iesus in iudicium ego in hunc mundum veni ut qui non vident videant et qui vident caeci fiant.
40 Et audierunt quidam ex pharisæis, qui cum ipso erant, et dixerunt ei : Numquid et nos cæci sumus ?
Et audierunt ex Pharisaeis qui cum ipso erant et dixerunt ei numquid et nos caeci sumus.
41 Dixit eis Jesus : Si cæci essetis, non haberetis peccatum ; nunc vero dicitis : Quia videmus. Peccatum vestrum manet.
Dixit eis Iesus si caeci essetis non haberetis peccatum nunc vero dicitis quia videmus peccatum vestrum manet.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
