3 Et introivit iterum in synagogam ; et erat ibi homo habens manum aridam.
Et introivit iterum synagogam et erat ibi homo habens manum aridam.
2 Et observabant eum, si sabbatis curaret, ut accusarent illum.
Et observabant eum si sabbatis curaret ut accusarent illum.
3 Et ait homini habenti manum aridam : Surge in medium.
Et ait homini habenti manum aridam surge in medium.
4 Et dicit eis : Licet sabbatis benefacere, an male ? animam salvam facere, an perdere ? At illi tacebant.
Et dicit eis licet sabbatis bene facere an male animam salvam facere an perdere at illi tacebant.
5 Et circumspiciens eos cum ira, contristatus super cæcitate cordis eorum, dicit homini : Extende manum tuam. Et extendit, et restituta est manus illi.
Et circumspiciens eos cum ira contristatus super caecitatem cordis eorum dicit homini extende manum tuam et extendit et restituta est manus illi.
6 Exeuntes autem pharisæi, statim cum herodianis consilium faciebant adversus eum, quomodo eum perderent.
Exeuntes autem statim Pharisaei cum Herodianis consilium faciebant adversus eum quomodo eum perderent.
7 Jesus autem cum discipulis suis secessit ad mare ; et multa turba a Galilæa, et Judæa secuta est eum,
Et Iesus cum discipulis suis secessit ad mare et multa turba a Galilaea et Iudaea secuta est eum.
8 Et ab Jerosolymis, et ab Idumæa, et trans Jordanem ; et qui circa Tyrum, et Sidonem, multitudo magna, audientes, quæ faciebat, venerunt ad eum.
Et ab Hierosolymis et ab Idumea et trans Iordanen et qui circa Tyrum et Sidonem multitudo magna audientes quae faciebat venerunt ad eum.
9 Et dicit discipulis suis ut navicula sibi deserviret propter turbam, ne comprimerent eum ;
Et dixit discipulis suis ut navicula sibi deserviret propter turbam ne conprimerent eum.
10 Multos enim sanabat, ita ut irruerent in eum, ut illum tangerent quotquot habebant plagas.
Multos enim sanabat ita ut inruerent in eum ut illum tangerent quotquot habebant plagas.
11 Et spiritus immundi, cum illum videbant, procidebant ei ; et clamabant dicentes :
Et spiritus inmundi cum illum videbant procidebant ei et clamabant dicentes.
12 Tu es Filius Dei. Et vehementer comminabatur eis ne manifestarent illum.
Tu es Filius Dei et vehementer comminabatur eis ne manifestarent illum.
13 Et ascendens in montem vocavit ad se quos voluit ipse ; et venerunt ad eum.
Et ascendens in montem vocavit ad se quos voluit ipse et venerunt ad eum.
14 Et fecit ut essent duodecim cum illo ; et ut mitteret eos prædicare.
Et fecit ut essent duodecim cum illo et ut mitteret eos praedicare.
15 Et dedit illis potestatem curandi infirmitates, et ejiciendi dæmonia.
Et dedit illis potestatem curandi infirmitates et eiciendi daemonia.
16 Et imposuit Simoni nomen Petrus ;
Et inposuit Simoni nomen Petrus.
17 Et Jacobum Zebedæi, et Joannem fratrem Jacobi, et imposuit eis nomina Boanerges, quod est : Filii tonitrui ;
Et Iacobum Zebedaei et Iohannem fratrem Iacobi et inposuit eis nomina Boanerges quod est Filii tonitrui.
18 Et Andræam, et Philippum, et Bartholomæum, et Matthæum, et Thomam, et Jacobum Alphæi, et Thaddæum, et Simonem Cananæum,
Et Andream et Philippum et Bartholomeum et Mattheum et Thomam et Iacobum Alphei et Thaddeum et Simonem Cananeum.
19 Et Judam Iscariotem, qui et tradidit illum.
Et Iudam Scarioth qui et tradidit illum.
20 Et veniunt ad domum : et convenit iterum turba, ita ut non possent neque panem manducare.
Et veniunt ad domum et convenit iterum turba ita ut non possent neque panem manducare.
21 Et cum audissent sui, exierunt tenere eum ; dicebant enim : Quoniam in furorem versus est.
Et cum audissent sui exierunt tenere eum dicebant enim quoniam in furorem versus est.
22 Et scribæ, qui ab Jerosolymis descenderant, dicebant : Quoniam Beelzebub habet, et quia in principe dæmoniorum ejicit dæmonia.
Et scribae qui ab Hierosolymis descenderant dicebant quoniam Beelzebub habet et quia in principe daemonum eicit daemonia.
23 Et convocatis eis, in parabolis dicebat illis : Quomodo potest Satanas Satanam ejicere ?
Et convocatis eis in parabolis dicebat illis quomodo potest Satanas Satanan eicere.
24 Et si regnum in se dividatur, non potest regnum illud stare.
Et si regnum in se dividatur non potest stare regnum illud.
25 Et si domus super semetipsam dispertiatur, non potest domus illa stare.
Et si domus super semet ipsam dispertiatur non poterit domus illa stare.
26 Et si Satanas consurrexerit in semetipsum, dispertitus est, et non poterit stare, sed finem habet.
Et si Satanas consurrexit in semet ipsum dispertitus est et non potest stare sed finem habet.
27 Nemo potest vasa fortis ingressus in domum diripere, nisi prius fortem alliget, et tunc domum ejus diripiet.
Nemo potest vasa fortis ingressus in domum diripere nisi prius fortem alliget et tunc domum eius diripiet.
28 Amen dico vobis, quoniam omnia dimittentur filiis hominum peccata, et blasphemiæ, quibus blasphemaverint ;
Amen dico vobis quoniam omnia dimittentur filiis hominum peccata et blasphemiae quibus blasphemaverint.
29 Qui autem blasphemaverit in Spiritum Sanctum, non habebit remissionem in æternum, sed reus erit æterni delicti.
Qui autem blasphemaverit in Spiritum Sanctum non habet remissionem in aeternum sed reus erit aeterni delicti.
30 Quoniam dicebant : Spiritum immundum habet.
Quoniam dicebant spiritum inmundum habet.
31 Et veniunt mater ejus et fratres ; et foris stantes miserunt ad eum vocantes eum.
Et veniunt mater eius et fratres et foris stantes miserunt ad eum vocantes eum.
32 Et sedebat circa eum turba ; et dicunt ei : Ecce mater tua, et fratres tui foris quærunt te.
Et sedebat circa eum turba et dicunt ei ecce mater tua et fratres tui foris quaerunt te.
33 Et respondens eis, ait : Quæ est mater mea, et fratres mei ?
Et respondens eis ait quae est mater mea et fratres mei.
34 Et circumspiciens eos, qui in circuitu ejus sedebant, ait : Ecce mater mea, et fratres mei.
Et circumspiciens eos qui in circuitu eius sedebant ait ecce mater mea et fratres mei.
35 Qui enim fecerit voluntatem Dei, hic frater meus, et soror mea, et mater est.
Qui enim fecerit voluntatem Dei hic frater meus et soror mea et mater est.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
