7 Nolite judicare, ut non judicemini.
Nolite iudicare ut non iudicemini.
2 In quo enim judicio judicaveritis, judicabimini ; et in qua mensura mensi fueritis, remetietur vobis.
In quo enim iudicio iudicaveritis iudicabimini et in qua mensura mensi fueritis metietur vobis.
3 Quid autem vides festucam in oculo fratris tui ; et trabem in oculo tuo non vides ?
Quid autem vides festucam in oculo fratris tui et trabem in oculo tuo non vides.
4 Aut quomodo dicis fratri tuo : Sine ejiciam festucam de oculo tuo ; et ecce trabs est in oculo tuo ?
Aut quomodo dicis fratri tuo sine eiciam festucam de oculo tuo et ecce trabis est in oculo tuo.
5 Hypocrita, ejice primum trabem de oculo tuo, et tunc videbis ejicere festucam de oculo fratris tui.
Hypocrita eice primum trabem de oculo tuo et tunc videbis eicere festucam de oculo fratris tui.
6 Nolite dare sanctum canibus ; neque mittatis margaritas vestras ante porcos, ne forte conculcent eas pedibus suis, et conversi dirumpant vos.
Nolite dare sanctum canibus neque mittatis margaritas vestras ante porcos ne forte conculcent. eas pedibus suis et conversi disrumpant vos.
7 Petite, et dabitur vobis ; quærite, et invenietis ; pulsate, et aperietur vobis.
Petite et dabitur vobis quaerite et invenietis pulsate et aperietur vobis.
8 Omnis enim, qui petit, accipit ; et qui quærit, invenit ; et pulsanti aperietur.
Omnis enim qui petit accipit et qui quaerit invenit et pulsanti aperietur.
9 Aut quis est ex vobis homo, quem si petierit filius suus panem, numquid lapidem porriget ei ?
Aut quis est ex vobis homo quem si petierit filius suus panem numquid lapidem porriget ei.
10 Aut si piscem petierit, numquid serpentem porriget ei ?
Aut si piscem petet numquid serpentem porriget ei.
11 Si ergo vos, cum sitis mali, nostis bona data dare filiis vestris ; quanto magis pater vester, qui in cælis est, dabit bona petentibus se ?
Si ergo vos cum sitis mali nostis bona dare filiis vestris quanto magis Pater vester qui in caelis est dabit bona petentibus se.
12 Omnia ergo quæcumque vultis ut faciant vobis homines, et vos facite illis. Hæc est enim lex, et prophetæ.
Omnia ergo quaecumque vultis ut faciant vobis homines et vos facite eis haec est enim lex et prophetae.
13 Intrate per angustam portam ; quia lata porta, et spatiosa via est, quæ ducit ad perditionem, et multi sunt qui intrant per eam.
Intrate per angustam portam quia lata porta et spatiosa via quae ducit ad perditionem et multi sunt qui intrant per eam.
14 Quam angusta porta, et arcta via est, quæ ducit ad vitam ; et pauci sunt, qui inveniunt eam !
Quam angusta porta et arta via quae ducit ad vitam et pauci sunt qui inveniunt eam.
15 Attendite a falsis prophetis, qui veniunt ad vos in vestimentis ovium, intrinsecus autem sunt lupi rapaces ;
Adtendite a falsis prophetis qui veniunt ad vos in vestimentis ovium intrinsecus autem sunt lupi rapaces.
16 A fructibus eorum cognoscetis eos. Numquid colligunt de spinas uvas, aut de tribulis ficus ?
A fructibus eorum cognoscetis eos numquid colligunt de spinis uvas aut de tribulis ficus.
17 Sic omnis arbor bona fructus bonos facit ; mala autem arbor malos fructus facit.
Sic omnis arbor bona fructus bonos facit mala autem arbor fructus malos facit.
18 Non potest arbor bona malos fructus facere ; neque arbor mala bonos fructus facere.
Non potest arbor bona fructus malos facere neque arbor mala fructus bonos facere.
19 Omnis arbor, quæ non facit fructum bonum, excidetur, et in ignem mittetur.
Omnis arbor quae non facit fructum bonum exciditur et in ignem mittitur.
20 Igitur ex fructibus eorum cognoscetis eos.
Igitur ex fructibus eorum cognoscetis eos.
21 Non omnis, qui dicit mihi, Domine, Domine, intrabit in regnum cælorum ; sed qui facit voluntatem Patris mei, qui in cælis est, ipse intrabit in regnum cælorum.
Non omnis qui dicit mihi Domine Domine intrabit in regnum caelorum sed qui facit voluntatem Patris mei qui in caelis est ipse intrabit in regnum caelorum.
22 Multi dicent mihi in illa die : Domine, Domine, nonne in nomine tuo prophetavimus, et in nomine tuo dæmonia ejecimus, et in nomine tuo virtutes multas fecimus ?
Multi dicent mihi in illa die Domine Domine nonne in nomine tuo prophetavimus et in tuo nomine daemonia eiecimus et in tuo nomine virtutes multas fecimus.
23 Et tunc confitebor illis : Quia numquam novi vos ; discedite a me, qui operamini iniquitatem.
Et tunc confitebor illis quia numquam novi vos discedite a me qui operamini iniquitatem.
24 Omnis ergo, qui audit verba mea hæc, et facit ea, assimilabitur viro sapienti, qui ædificavit domum suam supra petram,
Omnis ergo qui audit verba mea haec et facit ea adsimilabitur viro sapienti qui aedificavit domum suam supra petram.
25 Et descendit pluvia, et venerunt flumina, et flaverunt venti, et irruerunt in domum illam, et non cecidit ; fundata enim erat super petram.
Et descendit pluvia et venerunt flumina et flaverunt venti et inruerunt in domum illam et non cecidit fundata enim erat super petram.
26 Et omnis, qui audit verba mea hæc, et non facit ea, similis erit viro stulto, qui ædificavit domum suam super arenam ;
Et omnis qui audit verba mea haec et non facit ea similis erit viro stulto qui aedificavit domum suam supra harenam.
27 Et descendit pluvia, et venerunt flumina, et flaverunt venti, et irruerunt in domum illum, et cecidit, et fuit ruina illius magna.
Et descendit pluvia et venerunt flumina et flaverunt venti et inruerunt in domum illam et cecidit et fuit ruina eius magna.
28 Et factum est ; cum consummasset Jesus verba hæc, admirabantur turbæ super doctrina ejus.
Et factum est cum consummasset Iesus verba haec admirabantur turbae super doctrinam eius.
29 Erat enim docens eos sicut potestatem habens, et non sicut scribæ eorum, et pharisæi.
Erat enim docens eos sicut potestatem habens non sicut scribae eorum et Pharisaei.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
