3 Et ego, fratres, non potui vobis loqui quasi spiritualibus, sed quasi carnalibus ; tanquam parvulis in Christo,
Et ego fratres non potui vobis loqui quasi spiritalibus sed quasi carnalibus tamquam parvulis in Christo.
2 Lac vobis potum dedi, non escam, nondum enim poteratis ; sed nec nunc quidem potestis, adhuc enim carnales estis.
Lac vobis potum dedi non escam nondum enim poteratis sed ne nunc quidem potestis adhuc enim estis carnales.
3 Cum enim sit inter vos zelus, et contentio, nonne carnales estis, et secundum hominem ambulatis ?
Cum enim sit inter vos zelus et contentio nonne carnales estis et secundum hominem ambulatis.
4 Cum enim quis dicat : Ego quidem sum Pauli ; alius autem : Ego Apollo, nonne homines estis ? Quid igitur est Apollo ? quid vero Paulus ?
Cum enim quis dicit ego quidem sum Pauli alius autem ego Apollo nonne homines estis quid igitur est Apollo quid vero Paulus.
5 Ministri ejus cui credidistis, et unicuique sicut Dominus dedit.
Ministri eius cui credidistis et unicuique sicut Dominus dedit.
6 Ego plantavi, Apollo rigavit ; sed Deus incrementum dedit.
Ego plantavi Apollo rigavit sed Deus incrementum dedit.
7 Itaque neque qui plantat est aliquid, neque qui rigat ; sed, qui incrementum dat, Deus.
Itaque neque qui plantat est aliquid neque qui rigat sed qui incrementum dat Deus.
8 Qui plantat autem et qui rigat unum sunt ; unusquisque autem propriam mercedem accipiet secundum suum laborem.
Qui plantat autem et qui rigat unum sunt unusquisque autem propriam mercedem accipiet secundum suum laborem.
9 Dei enim sumus adjutores ; Dei agricultura estis, Dei ædificatio estis,
Dei enim sumus adiutores Dei agricultura estis Dei aedificatio estis.
10 Secundum gratiam Dei, quæ data est mihi, ut sapiens architectus fundamentum posui ; alius autem superædificat ; unusquisque autem videat quomodo superædificet.
Secundum gratiam Dei quae data est mihi ut sapiens architectus fundamentum posui alius autem superaedificat unusquisque autem videat quomodo superaedificet.
11 Fundamentum enim aliud nemo potest ponere, præter id quod positum est, qui est Christus Jesus.
Fundamentum enim aliud nemo potest ponere praeter id quod positum est qui est Christus Iesus.
12 Si quis autem superædificat super fundamentum hoc, aurum, argentum, lapides pretiosos, ligna, fœnum, stipulam,
Si quis autem superaedificat supra fundamentum hoc aurum argentum lapides pretiosos ligna faenum stipulam.
13 Uniuscujusque opus manifestum erit ; dies enim Domini declarabit, quia in igne revelabitur, et uniuscujusque opus quale sit, ignis probabit.
Uniuscuiusque opus manifestum erit dies enim declarabit quia in igne revelabitur et uniuscuiusque opus quale sit ignis probabit.
14 Si cujus opus manserit quod superædificavit, mercedem accipiet.
Si cuius opus manserit quod superaedificavit mercedem accipiet.
15 Si cujus opus arserit, detrimentum patietur ; ipse autem salvus erit, sic tamen quasi per ignem.
Si cuius opus arserit detrimentum patietur ipse autem salvus erit sic tamen quasi per ignem.
16 Nescitis quia templum Dei estis, et Spiritus Dei habitat in vobis ?
Nescitis quia templum Dei estis et Spiritus Dei habitat in vobis.
17 Si quis autem templum Dei violaverit, disperdet illum Deus. Templum enim Dei sanctum est, quod estis vos.
Si quis autem templum Dei violaverit disperdet illum Deus templum enim Dei sanctum est quod estis vos.
18 Nemo se seducat, si quis videtur inter vos sapiens esse in hoc seculo, stultus fiat ut sit sapiens ;
Nemo se seducat si quis videtur inter vos sapiens esse in hoc saeculo stultus fiat ut sit sapiens.
19 Sapientia enim hujus mundi stultitia est apud Deum, scriptum est enim : Comprehendam sapientes in astutia eorum.
Sapientia enim huius mundi stultitia est apud Deum scriptum est enim conprehendam sapientes in astutia eorum.
20 Et iterum : Dominus novit cogitationes sapientium, quoniam vanæ sunt.
Et iterum Dominus novit cogitationes sapientium quoniam vanae sunt.
21 Nemo itaque glorietur in hominibus,
Itaque nemo glorietur in hominibus omnia enim vestra sunt.
22 Omnia enim vestra sunt, sive Paulus, sive Apollo, sive Cephas, sive mundus, sive vita, sive mors, sive præsentia, sive futura, omnia enim vestra sunt ;
Sive Paulus sive Apollo sive Cephas sive mundus sive vita sive mors sive praesentia sive futura omnia enim vestra sunt.
23 Vos autem Christi, Christus autem Dei.
Vos autem Christi Christus autem Dei.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
