5 Omnino auditur inter vos fornicatio, et talis fornicatio, qualis nec inter gentes, ita ut uxorem patris sui aliquis habeat.
Omnino auditur inter vos fornicatio et talis fornicatio qualis nec inter gentes ita ut uxorem patris aliquis habeat.
2 Et vos inflati estis ; et non magis luctum habuistis, ut tollatur de medio vestrum qui hoc opus fecit.
Et vos inflati estis et non magis luctum habuistis ut tollatur de medio vestrum qui hoc opus fecit.
3 Ego quidem, absens corpore, præsens autem spiritu, jam judicavi ut præsens eum qui sic operatus est :
Ego quidem absens corpore praesens autem spiritu iam iudicavi ut praesens eum qui sic operatus est.
4 In nomine Domini nostri, Jesu Christi, congregatis vobis et meo spiritu, cum virtute Domini nostri Jesu,
In nomine Domini nostri Iesu Christi congregatis vobis et meo spiritu cum virtute Domini Iesu.
5 Tradere hujusmodi satanæ in interitum carnis, ut spiritus salvus sit in die Domini nostri Jesu Christi.
Tradere huiusmodi Satanae in interitum carnis ut spiritus salvus sit in die Domini Iesu.
6 Non est bona gloriatio vestra. Nescitis quia modicum fermentum totam massam corrumpit ?
Non bona gloriatio vestra nescitis quia modicum fermentum totam massam corrumpit.
7 Expurgate vetus fermentum, ut sitis nova consparsio, sicut estis azymi. Etenim Pascha nostrum immolatus est Christus.
Expurgate vetus fermentum ut sitis nova consparsio sicut estis azymi etenim pascha nostrum immolatus est Christus.
8 Itaque epulemur, non in fermento veteri, neque in fermento malitiæ et nequitiæ, sed in azymis sinceritatis et veritatis.
Itaque epulemur non in fermento veteri neque in fermento malitiae et nequitiae sed in azymis sinceritatis et veritatis.
9 Scripsi vobis in epistola : Ne commisceamini fornicariis ;
Scripsi vobis in epistula ne commisceamini fornicariis.
10 Non utique fornicariis hujus mundi, aut avaris, aut rapacibus, aut idolis servientibus ; alioquin debueratis de hoc mundo exiisse.
Non utique fornicariis huius mundi aut avaris aut rapacibus aut idolis servientibus alioquin debueratis de hoc mundo exisse.
11 Nunc autem scripsi vobis non commisceri ; si is qui frater nominatur, est fornicator, aut avarus, aut idolis serviens, aut maledicus, aut ebriosus, aut rapax, cum ejusmodi nec cibum sumere.
Nunc autem scripsi vobis non commisceri si is qui frater nominatur est fornicator aut avarus aut idolis serviens aut maledicus aut ebriosus aut rapax cum eiusmodi nec cibum sumere.
12 Quid enim mihi de iis qui foris sunt judicare ? Nonne de iis qui intus sunt vos judicatis ?
Quid enim mihi de his qui foris sunt iudicare nonne de his qui intus sunt vos iudicatis.
13 Nam eos qui foris sunt Deus judicabit. Auferte malum ex vobis ipsis.
Nam eos qui foris sunt Deus iudicabit auferte malum ex vobis ipsis.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
