7 De quibus autem scripsistis mihi : Bonum est homini mulierem non tangere ;
De quibus autem scripsistis bonum est homini mulierem non tangere.
2 Propter fornicationem autem unusquisque suam uxorem habeat, et unaquæque suum virum habeat,
Propter fornicationes autem unusquisque suam uxorem habeat et unaquaeque suum virum habeat.
3 Uxori vir debitum reddat, similiter autem et uxor viro.
Uxori vir debitum reddat similiter autem et uxor viro.
4 Mulier sui corporis potestatem non habet, sed vir ; similiter autem et vir sui corporis potestatem non habet, sed mulier.
Mulier sui corporis potestatem non habet sed vir similiter autem et vir sui corporis potestatem non habet sed mulier.
5 Nolite fraudare invicem, nisi forte ex consensu ad tempus, ut vacetis orationi ; et iterum revertimini in id ipsum, ne tentet vos satanas propter incontinentiam vestram.
Nolite fraudare invicem nisi forte ex consensu ad tempus ut vacetis orationi et iterum revertimini in id ipsum ne temptet vos Satanas propter incontinentiam vestram.
6 Hoc autem dico secundum indulgentiam, non secundum imperium.
Hoc autem dico secundum indulgentiam non secundum imperium.
7 Volo enim omnes vos esse sicut meipsum ; sed unusquisque proprium donum habet ex Deo, alius quidem sic, alius vero sic.
Volo autem omnes homines esse sicut me ipsum sed unusquisque proprium habet donum ex Deo alius quidem sic alius vero sic.
8 Dico autem non nuptis, et viduis : Bonum est illis si sic permaneant, sicut et ego.
Dico autem non nuptis et viduis bonum est illis si sic maneant sicut et ego.
9 Quod si non se continent, nubant ; melius est enim nubere quam uri.
Quod si non se continent nubant melius est enim nubere quam uri.
10 Iis autem, qui matrimonio juncti sunt, præcipio non ego, sed Dominus, uxorem a viro non discedere ;
His autem qui matrimonio iuncti sunt praecipio non ego sed Dominus uxorem a viro non discedere.
11 Quod si discesserit, manere innuptam, aut viro suo reconciliari. Et vir uxorem ne dimittat.
Quod si discesserit manere innuptam aut viro suo reconciliari et vir uxorem ne dimittat.
12 Nam ceteris ego dico, non Dominus : Si quis frater uxorem habet infidelem, et hæc consentit habitare cum illo, non dimittat illam.
Nam ceteris ego dico non Dominus si quis frater uxorem habet infidelem et haec consentit habitare cum illo non dimittat illam.
13 Et si qua mulier fidelis habet virum infidelem, et hic consentit habitare cum illa, non dimittat virum ;
Et si qua mulier habet virum infidelem et hic consentit habitare cum illa non dimittat virum.
14 Sanctificatus est enim vir infidelis in mulierem fidelem, et sanctificata est mulier infidelis per virum fidelem ; alioquin filii vestri immundi essent, nunc autem sancti sunt.
Sanctificatus est enim vir infidelis in muliere fideli et sanctificata est mulier infidelis per virum fidelem alioquin filii vestri inmundi essent nunc autem sancti sunt.
15 Quod si infidelis discedit, discedat, non est enim servituti subjectus est frater aut soror in hujusmodi ; in pace autem vocavit nos Deus.
Quod si infidelis discedit discedat non est enim servituti subiectus frater aut soror in eiusmodi in pace autem vocavit nos Deus.
16 Unde enim scis, mulier, si virum salvum facies ? aut unde scis, vir, si mulierem salvam facies ?
Unde enim scis mulier si virum salvum facies aut unde scis vir si mulierem salvam facies.
17 Nisi unicuique sicut divisit Dominus, unumquemque sicut vocavit Deus, ita ambulet ; et sicut in omnibus Ecclesiis doceo.
Nisi unicuique sicut divisit Dominus unumquemque sicut vocavit Deus ita ambulet et sic in omnibus ecclesiis doceo.
18 Circumcisus aliquis vocatus est ? non adducat præputium. In præputio aliquis vocatus est ? non circumcidatur.
Circumcisus aliquis vocatus est non adducat praeputium in praeputio aliquis vocatus est non circumcidatur.
19 Circumcisio nihil est, et præputium nihil est ; sed observatio mandatorum Dei.
Circumcisio nihil est et praeputium nihil est sed observatio mandatorum Dei.
20 Unusquisque in qua vocatione vocatus est, in ea permaneat.
Unusquisque in qua vocatione vocatus est in ea permaneat.
21 Servus vocatus es ? non sit tibi curæ ; sed et si potes fier liber, magis utere.
Servus vocatus es non sit tibi curae sed et si potes liber fieri magis utere.
22 Qui enim in Domino vocatus est servus, libertus est Domini ; similiter qui liber vocatus est, servus est Christi.
Qui enim in Domino vocatus est servus libertus est Domini similiter qui liber vocatus est servus est Christi.
23 Pretio empti estis, nolite fieri servi hominum.
Pretio empti estis nolite fieri servi hominum.
24 Unusquisque in quo vocatus est, fratres, in hoc permaneat apud Deum.
Unusquisque in quo vocatus est fratres in hoc maneat apud Deum.
25 De virginibus autem præceptum Domini non habeo ; consilium autem do, tanquam misericordiam consecutus a Domino, ut sim fidelis ;
De virginibus autem praeceptum Domini non habeo consilium autem do tamquam misericordiam consecutus a Domino ut sim fidelis.
26 Existimo ergo hoc bonum esse propter instantem necessitatem, quoniam bonum est homini sic esse.
Existimo ergo hoc bonum esse propter instantem necessitatem quoniam bonum est homini sic esse.
27 Alligatus es uxori ? noli quærere solutionem. Solutus es ab uxore ? noli quærere uxorem.
Alligatus es uxori noli quaerere solutionem solutus es ab uxore noli quaerere uxorem.
28 Si autem acceperis uxorem, non peccasti ; et si nupserit virgo, non peccavit. Tribulationem tamen carnis habebunt hujusmodi. Ego autem vobis parco.
Si autem acceperis uxorem non peccasti et si nupserit virgo non peccavit tribulationem tamen carnis habebunt huiusmodi ego autem vobis parco.
29 Hoc itaque dico, fratres : Tempus breve est ; reliquum est, ut et qui habent uxores, tanquam non habentes sint :
Hoc itaque dico fratres tempus breve est reliquum est ut qui habent uxores tamquam non habentes sint.
30 Et qui flent, tanquam non flentes ; et qui gaudent, tanquam non gaudentes ; et qui emunt, tanquam non possidentes ;
Et qui flent tamquam non flentes et qui gaudent tamquam non gaudentes et qui emunt tamquam non possidentes.
31 Et qui utuntur hoc mundo, tanquam non utantur, præterit enim figura hujus mundi.
Et qui utuntur hoc mundo tamquam non utantur praeterit enim figura huius mundi.
32 Volo autem vos sine sollicitudine esse. Qui sine uxore est, sollicitus est quæ Domini sunt, quomodo placet Deo.
Volo autem vos sine sollicitudine esse qui sine uxore est sollicitus est quae Domini sunt quomodo placeat Deo.
33 Qui autem cum uxore est, sollicitus est quæ sunt mundi quomodo placeat uxori : et divisus est.
Qui autem cum uxore est sollicitus est quae sunt mundi quomodo placeat uxori et divisus est.
34 Et mulier innupta, et virgo, cogitat quæ Domini sunt, ut sit sancta corpore, et spiritu. Quæ autem nupta est, cogitat quæ sunt mundi, quomodo placeat viro.
Et mulier innupta et virgo cogitat quae Domini sunt ut sit sancta et corpore et spiritu quae autem nupta est cogitat quae sunt mundi quomodo placeat viro.
35 Porro hoc ad utilitatem vestram dico ; non ut laqueum vobis injiciam, sed ad id, quod honestum est, et quod facultatem præbeat, sine impedimento Dominum observandi.
Porro hoc ad utilitatem vestram dico non ut laqueum vobis iniciam sed ad id quod honestum est et quod facultatem praebeat sine inpedimento Dominum observandi.
36 Si quis autem turpem se videri existimat super virgine sua, quod sit superadulta, et ita oportet fieri ; quod vult faciat ; non peccat, si nubat.
Si quis autem turpem se videri existimat super virgine sua quod sit superadulta et ita oportet fieri quod vult faciat non peccat nubat.
37 Nam qui statuit in corde suo firmus, non habens necessitatem, potestatem autem habet suæ voluntatis, et hoc judicavit in corde suo, servare virginem suam, bene facit.
Nam qui statuit in corde suo firmus non habens necessitatem potestatem autem habet suae voluntatis et hoc iudicavit in corde suo servare virginem suam bene facit.
38 Igitur et qui matrimonio, jungit virginem suam, bene facit, et qui non jungit, melius facit.
Igitur et qui matrimonio iungit virginem suam bene facit et qui non iungit melius facit.
39 Mulier alligata est legi quanto tempore vir ejus vivit ; quod si dormierit vir ejus, liberata est. Cui vult nubat, tantum in Domino.
Mulier alligata est quanto tempore vir eius vivit quod si dormierit vir eius liberata est cui vult nubat tantum in Domino.
40 Beatior autem erit si sic permanserit secundum meum consilium ; puto autem quod et ego Spiritum Dei habeam.
Beatior autem erit si sic permanserit secundum meum consilium puto autem quod et ego Spiritum Dei habeo.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
