3 Similiter et mulieres subditæ sint viris suis, ut etsi qui non credunt verbo, per mulierem conversationem sine verbo lucrifiant ;
Similiter mulieres subditae suis viris ut et si qui non credunt verbo per mulierum conversationem sine verbo lucri fiant.
2 Considerantes in timore castam conversationem vestram.
Considerantes in timore castam conversationem vestram.
3 Quarum non sit extrinsecus capillatura, aut circumdatio auri, aut indumenti vestimentorum cultus ;
Quarum sit non extrinsecus capillaturae aut circumdatio auri aut indumenti vestimentorum cultus.
4 Sed qui absconditus est cordis homo, in incorruptibilitate quieti et modesti spiritus, qui est in conspectu Dei locuples.
Sed qui absconditus cordis est homo in incorruptibilitate quieti et modesti spiritus quod est in conspectu Dei locuples.
5 Sic enim aliquando et sanctæ mulieres, sperantes in Deo, ornabant se, subjectæ propriis viris.
Sic enim aliquando et sanctae mulieres sperantes in Deo ornabant se subiectae propriis viris.
6 Sicut Sara obediebat Abrahæ, dominum eum vocans ; cujus estis filiæ benefacientes, et non pertimentes ullam perturbationem.
Sicut Sarra oboediebat Abrahae dominum eum vocans cuius estis filiae benefacientes et non timentes ullam perturbationem.
7 Viri, similiter cohabitantes secundum scientiam, quasi infirmiori vasculo muliebri impartientes honorem, tanquam et coheredibus gratiæ vitæ, ut non impediantur orationes vestræ.
Viri similiter cohabitantes secundum scientiam quasi infirmiori vaso muliebri inpertientes honorem tamquam et coheredibus gratiae vitae uti ne inpediantur orationes vestrae.
8 In fine autem, omnes unanimes, compatientes, fraternitatis amatores, misericordes, modesti, humiles ;
In fine autem omnes unianimes conpatientes fraternitatis amatores misericordes humiles.
9 Non reddentes malum pro malo, nec maledictum pro maledicto ; sed e contrario benedicentes, quia in hoc vocati estis, ut benedictionem hæreditate possideatis.
Non reddentes malum pro malo vel maledictum pro maledicto sed e contrario benedicentes quia in hoc vocati estis ut benedictionem hereditate possideatis.
10 Qui enim vult vitam diligere, et dies videre bonos, coërceat linguam suam a malo, et labia ejus ne loquantur dolum ;
Qui enim vult vitam diligere et videre dies bonos coerceat linguam suam a malo et labia eius ne loquantur dolum.
11 Declinet a malo, et faciat bonum ; inquirat pacem, et sequatur eam ;
Declinet autem a malo et faciat bonum inquirat pacem et persequatur eam.
12 Quia oculi Domini super justos, et aures ejus in preces eorum ; vultus autem Domini super facientes mala.
Quia oculi Domini super iustos et aures eius in preces eorum vultus autem Domini super facientes mala.
13 Et quis est qui vobis noceat, si boni æmulatores fueritis ?
Et quis est qui vobis noceat si boni aemulatores fueritis.
14 Sed et si quid patimini propter justitiam, beati. Timorem autem eorum ne timueritis, et non conturbemini.
Sed et si quid patimini propter iustitiam beati timorem autem eorum ne timueritis et non conturbemini.
15 Dominum autem Christum sanctificate in cordibus vestris, parati semper ad satisfactionem omni poscenti vos rationem de ea quæ in vobis est spe ;
Dominum autem Christum sanctificate in cordibus vestris parati semper ad satisfactionem omni poscenti vos rationem de ea quae in vobis est spe.
16 Sed cum modestia, et timore, conscientiam habentes bonam, ut in eo, quod detrahunt vobis, confundantur, qui calumniantur vestram bonam in Christo conversationem.
Sed cum modestia et timore conscientiam habentes bonam ut in eo quod detrahunt vobis confundantur qui calumniantur vestram bonam in Christo conversationem.
17 Melius est enim benefacientes (si voluntas Dei velit), pati, quam malefacientes ;
Melius est enim benefacientes si velit voluntas Dei pati quam malefacientes.
18 Quia et Christus semel pro peccatis nostris mortuus est, justus pro injustis, ut nos offerret Deo, mortificatus quidem carne, vivificatus autem spiritu.
Quia et Christus semel pro peccatis mortuus est iustus pro iniustis ut nos offerret Deo mortificatus carne vivificatus autem spiritu.
19 In quo et his, qui in carcere erant, spiritibus veniens prædicavit,
In quo et his qui in carcere erant spiritibus veniens praedicavit.
20 Qui increduli fuerant aliquando, quando exspectabant Dei patientiam in diebus Noe, cum fabricaretur arca, in qua pauci, id est octo animæ salvæ factæ sunt per aquam ;
Qui increduli fuerant aliquando quando expectabat Dei patientia in diebus Noe cum fabricaretur arca in qua pauci id est octo animae salvae factae sunt per aquam.
21 Quod et vos nunc similis formæ salvos fecit baptisma, non carnis depositio sordium, sed conscientiæ bonæ interrogatio in Deum per resurrectionem Jesu Christi.
Quod et vos nunc similis formae salvos facit baptisma non carnis depositio sordium sed conscientiae bonae interrogatio in Deum per resurrectionem Iesu Christi.
22 Qui est in dextera Dei, deglutiens mortem ut vitæ æternæ heredes efficeremur, profectus in cælum, subjectis sibi angelis et potestatibus et virtutibus.
Qui est in dextera Dei profectus in caelum subiectis sibi angelis et potestatibus et virtutibus.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
