2 Statui autem hoc ipsum apud me, ne iterum in tristitia venirem ad vos.
Statui autem hoc ipse apud me ne iterum in tristitia venirem ad vos.
2 Si enim ego contristo vos, et quis est, qui me lætificet, nisi qui contristatur ex me ?
Si enim ego vos et quis est qui me laetificet nisi qui contristatur ex me.
3 Et hoc ipsum scripsi vobis, ut non cum venero, tristitiam super tristitiam habeam, de quibus oportuerat me gaudere ; confidens in omnibus vobis, quia meum gaudium omnium vestrum est.
Et hoc ipsum scripsi ut non cum venero tristitiam super tristitiam habeam de quibus oportuerat me gaudere confidens in omnibus vobis quia meum gaudium omnium vestrum est.
4 Nam ex multa tribulatione et angustia cordis scripsi vobis per multas lacrymas ; non ut contristemini, sed ut sciatis, quam caritatem habeam abundantius in vobis.
Nam ex multa tribulatione et angustia cordis scripsi vobis per multas lacrimas non ut contristemini sed ut sciatis quam caritatem habeo abundantius in vobis.
5 Si quis autem contristavit, non me contristavit, sed ex parte, ut non onerem omnes vos.
Si quis autem contristavit non me contristavit sed ex parte ut non onerem omnes vos.
6 Sufficit illi qui ejusmodi est, objurgatio hæc quæ fit a pluribus ;
Sufficit illi qui eiusmodi est obiurgatio haec quae fit a pluribus.
7 Ita ut e contrario magis donetis, et consolemini, ne forte abundantiori tristitia absorbeatur qui ejusmodi est.
Ita ut e contra magis donetis et consolemini ne forte abundantiori tristitia absorbeatur qui eiusmodi est.
8 Propter quod obsecro vos ut confirmetis in illum caritatem.
Propter quod obsecro vos ut confirmetis in illum caritatem.
9 Ideo enim et scripsi, ut cognoscam experimentum vestrum, an in omnibus obedientes sitis.
Ideo enim et scripsi ut cognoscam experimentum vestrum an in omnibus oboedientes sitis.
10 Cui autem aliquid donastis, et ego ; nam et ego quod donavi, si quid donavi, propter vos in persona Christi,
Cui autem aliquid donatis et ego nam et ego quod donavi si quid donavi propter vos in persona Christi.
11 Ut non circumveniamur a Satana ; non enim ignoramus cogitationes ejus.
Ut non circumveniamur a Satana non enim ignoramus cogitationes eius.
12 Cum venissem autem Troadem propter Evangelium Christi, et ostium mihi apertum esset in Domino.
Cum venissem autem Troadem propter evangelium Christi et ostium mihi apertum esset in Domino.
13 Non habui requiem spiritui meo, eo quod non invenerim Titum, fratrem meum ; sed valefaciens eis, profectus sum in Macedoniam.
Non habui requiem spiritui meo eo quod non invenerim Titum fratrem meum sed valefaciens eis profectus sum in Macedoniam.
14 Deo autem gratias, qui semper triumphat nos in Christo Jesu, et odorem notitiæ suæ manifestat per nos in omni loco ;
Deo autem gratias qui semper triumphat nos in Christo Iesu et odorem notitiae suae manifestat per nos in omni loco.
15 Quia Christi bonus odor sumus Deo, in iis qui salvi fiunt, et in iis qui pereunt ;
Quia Christi bonus odor sumus Deo in his qui salvi fiunt et in his qui pereunt.
16 Aliis quidem odor mortis in mortem ; aliis autem odor vitæ in vitam. Et ad hæc quis tam idoneus ?
Aliis quidem odor mortis in mortem aliis autem odor vitae in vitam et ad haec quis tam idoneus.
17 Non enim sumus sicut plurimi, adulterantes verbum Dei ; sed ex sinceritate, sed sicut ex Deo, coram Deo, in Christo loquimur.
Non enim sumus sicut plurimi adulterantes verbum Dei sed ex sinceritate sed sicut ex Deo coram Deo in Christo loquimur.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
