2 Et cum complerentur dies Pentecostes, erant omnes pariter in eodem loco,
Et cum conplerentur dies pentecostes erant omnes pariter in eodem loco.
2 Et factus est repente de cælo sonus, tanquam advenientis spiritus vehementis, et replevit totam domum ubi erant sedentes.
Et factus est repente de caelo sonus tamquam advenientis spiritus vehementis et replevit totam domum ubi erant sedentes.
3 Et apparuerunt illis dispertitæ linguæ tanquam ignis, seditque supra singulos eorum ;
Et apparuerunt illis dispertitae linguae tamquam ignis seditque supra singulos eorum.
4 Et repleti sunt omnes Spiritu sancto, et cœperunt loqui variis linguis, prout Spiritus sanctus dabat eloqui illis.
Et repleti sunt omnes Spiritu Sancto et coeperunt loqui aliis linguis prout Spiritus Sanctus dabat eloqui illis.
5 Erant autem in Jerusalem habitantes Judæi, viri religiosi ex omni natione quæ sub cælo est.
Erant autem in Hierusalem habitantes Iudaei viri religiosi ex omni natione quae sub caelo sunt.
6 Facta autem hac voce, convenit multitudo, et mente confusa est, quoniam audiebat unusquisque lingua sua illos loquentes.
Facta autem hac voce convenit multitudo et mente confusa est quoniam audiebat unusquisque lingua sua illos loquentes.
7 Stupebant autem omnes, et mirabantur, dicentes : Nonne ecce omnes isti qui loquuntur, Galilæi sunt ?
Stupebant autem omnes et mirabantur dicentes nonne omnes ecce isti qui loquuntur Galilaei sunt.
8 Et quomodo nos audivimus unusquisque lingua nostram, in qua nati sumus ?
Et quomodo nos audivimus unusquisque lingua nostra in qua nati sumus.
9 Parthi et Medi et Ælamitæ et qui habitant Mesopotaniam, Judæam et Cappadociam, Pontum et Asiam,
Parthi et Medi et Elamitae et qui habitant Mesopotamiam et Iudaeam et Cappadociam Pontum et Asiam.
10 Phrygiam et Pamphyliam, et Ægyptum et partes Lybiæ, quæ est circa Cyrenen, et advenæ Romani,
Frygiam et Pamphiliam Aegyptum et partes Lybiae quae est circa Cyrenen et advenae romani.
11 Judæi quoque et proselyti, Cretes et Arabes, audivimus eos loquentes nostris linguis magnalia Dei.
Iudaei quoque et proselyti Cretes et Arabes audivimus loquentes eos nostris linguis magnalia Dei.
12 Stupebant autem omnes et mirabantur ad invicem, dicentes : Quidnam vult hoc esse ?
Stupebant autem omnes et mirabantur ad invicem dicentes quidnam hoc vult esse.
13 Alii autem irridentes dicebant : Quia musto pleni sunt isti.
Alii autem inridentes dicebant quia musto pleni sunt isti.
14 Stans autem Petrus cum undecim, levavit vocem suam, et locutus est eis : Viri Judæi, et qui habitatis Jerusalem universi hoc vobis notum sit, et auribus percipite verba mea.
Stans autem Petrus cum undecim levavit vocem suam et locutus est eis viri iudaei et qui habitatis Hierusalem universi hoc vobis notum sit et auribus percipite verba mea.
15 Non enim, sicut vos æstimatis, hi ebrii sunt, cum sit hora diei tertia ;
Non enim sicut vos aestimatis hii ebrii sunt cum sit hora diei tertia.
16 Sed hoc est, quod dictum est per prophetam Joel :
Sed hoc est quod dictum est per prophetam Iohel.
17 Et erit in novissimis diebus, dicit Dominus, effundam de Spiritu meo super omnem carnem ; et prophetabunt filii vestri et filiæ vestræ ; et juvenes vestri visiones videbunt, et seniores vestri somnia somniabunt.
Et erit in novissimis diebus dicit Dominus effundam de Spiritu meo super omnem carnem et prophetabunt filii vestri et filiae vestrae et iuvenes vestri visiones videbunt et seniores vestri somnia somniabunt.
18 Et quidem super servos meos, et super ancillas meas, in diebus illis effundam de Spiritu meo, et prophetabunt,
Et quidem super servos meos et super ancillas meas in diebus illis effundam de Spiritu meo et prophetabunt.
19 Et dabo prodigia in cælo sursum, et signa in terra deorsum, sanguinem, et ignem, et vaporem fumi.
Et dabo prodigia in caelo sursum et signa in terra deorsum sanguinem et ignem et vaporem fumi.
20 Sol convertetur in tenebras, et luna in sanguinem, antequam veniat dies Domini magnus et manifestus.
Sol convertetur in tenebras et luna in sanguinem antequam veniat dies Domini magnus et manifestus.
21 Et erit : omnis quicumque invocaverit nomen Domini, salvus erit.
Et erit omnis quicumque invocaverit nomen Domini salvus erit.
22 Viri Israelitæ, audite verba hæc : Jesum Nazarenum, virum approbatum a Deo in vobis, virtutibus, et prodigiis, et signis, quæ fecit Deus per illum in medio vestri, sicut et vos scitis,
Viri israhelitae audite verba haec Iesum Nazarenum virum adprobatum a Deo in vobis virtutibus et prodigiis et signis quae fecit per illum Deus in medio vestri sicut vos scitis.
23 Hunc definito consilio et præscientia Dei traditum, per manus iniquorum affigentes interemistis.
Hunc definito consilio et praescientia Dei traditum per manus iniquorum adfigentes interemistis.
24 Quem Deus suscitavit, solutis doloribus inferni, juxta quod impossibile erat teneri illum ab eo.
Quem Deus suscitavit solutis doloribus inferni iuxta quod inpossibile erat teneri illum ab eo.
25 David enim dicit in eum : Providebam Dominum in conspectu meo semper, quoniam a dextris est mihi, ne commovear.
David enim dicit in eum providebam Dominum coram me semper quoniam a dextris meis est ne commovear.
26 Propter hoc lætatum est cor meum, et exsultavit lingua mea, insuper et caro mea requiescet in spe ;
Propter hoc laetatum est cor meum et exultavit lingua mea insuper et caro mea requiescet in spe.
27 Quoniam non derelinques animam meam in inferno, nec dabis Sanctum tuum videre corruptionem.
Quoniam non derelinques animam meam in inferno neque dabis Sanctum tuum videre corruptionem.
28 Notas mihi fecisti vias vitæ, replebis me jucunditate cum facie tua.
Notas fecisti mihi vias vitae replebis me iucunditate cum facie tua.
29 Viri fratres, liceat audenter dicere ad vos de patriarcha David, quoniam defunctus est, et sepultus, et sepulchrum ejus est apud nos usque in hodiernum diem.
Viri fratres liceat audenter dicere ad vos de patriarcha David quoniam et defunctus est et sepultus est et sepulchrum eius est apud nos usque in hodiernum diem.
30 Propheta igitur cum esset, et sciret quia jurejurando jurasset illi Deus de fructu lumbi ejus sedere super sedem ejus.
Propheta igitur cum esset et sciret quia iureiurando iurasset illi Deus de fructu lumbi eius sedere super sedem eius.
31 Providens locutus est de resurrectione Christi, quia neque derelictus est in inferno, neque caro ejus vidit corruptionem.
Providens locutus est de resurrectione Christi quia neque derelictus est in inferno neque caro eius vidit corruptionem.
32 Hunc Jesum resuscitavit Deus, cujus omnes nos testes sumus.
Hunc Iesum resuscitavit Deus cui omnes nos testes sumus.
33 Dextera igitur Dei exaltatus, et promissione Spiritus Sancti accepta a Patre, effudit hunc, quem vos videtis et audistis.
Dextera igitur Dei exaltatus et promissione Spiritus Sancti accepta a Patre effudit hunc quem vos videtis et audistis.
34 Non enim David ascendit in cælum ; dicit autem ipse : Dixit Dominus Domino meo : Sede a dextris meis,
Non enim David ascendit in caelos dicit autem ipse dixit Dominus Domino meo sede a dextris meis.
35 Donec ponam inimicos tuos scabillum pedum tuorum.
Donec ponam inimicos tuos scabillum pedum tuorum.
36 Certissime sciat ergo omnis domus Israel, quia et Dominum eum, et Christum fecit Deus, hunc Jesum quem vos crucifixistis.
Certissime ergo sciat omnis domus Israhel quia et Dominum eum et Christum Deus fecit hunc Iesum quem vos crucifixistis.
37 His autem auditis, compuncti sunt corde, et dixerunt ad Petrum, et ad reliquos apostolos : Quid faciemus, viri fratres ?
His auditis sunt corde et dixerunt ad Petrum et ad reliquos apostolos quid faciemus viri fratres.
38 Petrus vero ad illos : Pœnitentiam inquit, agite, et baptizetur unusquisque vestrum in nomine Jesu Christi, in remissionem peccatorum vestrorum ; et accipietis donum Spiritus sancti.
Petrus vero ad illos paenitentiam inquit agite et baptizetur unusquisque vestrum in nomine Iesu Christi in remissionem peccatorum vestrorum et accipietis donum Sancti Spiritus.
39 Vobis enim est repromissio, et filiis vestris, et omnibus qui longe sunt, quoscumque advocaverit Dominus Deus noster.
Vobis enim est repromissio et filiis vestris et omnibus qui longe sunt quoscumque advocaverit Dominus Deus noster.
40 Aliis etiam verbis plurimis testificatus est, et exhortabatur eos, dicens : Salvamini a generatione ista prava.
Aliis etiam verbis pluribus testificatus est et exhortabatur eos dicens salvamini a generatione ista prava.
41 Qui ergo receperunt sermonem ejus, baptizati sunt ; et appositæ sunt in die illa animæ circiter tria millia.
Qui ergo receperunt sermonem eius baptizati sunt et adpositae sunt in illa die animae circiter tria milia.
42 Erant autem perseverantes in doctrina apostolorum, et communicatione fractionis panis, et orationibus.
Erant autem perseverantes in doctrina apostolorum et communicatione fractionis panis et orationibus.
43 Fiebat autem omni animæ timor. Multa quoque prodigia et signa per apostolos in Jerusalem fiebant, et metus erat magnus in universis.
Fiebat autem omni animae timor multa quoque prodigia et signa per apostolos fiebant in Hierusalem et metus erat magnus in universis.
44 Omnes etiam qui credebant, erant pariter, et habebant omnia communia.
Omnes etiam qui credebant erant pariter et habebant omnia communia.
45 Possessiones et substantias vendebant, et dividebant illa omnibus, prout cuique opus erat.
Possessiones et substantias vendebant et dividebant illa omnibus prout cuique opus erat.
46 Quotidie quoque perdurantes unanimiter in templo, et frangentes circa domos panem, sumebant cibum cum exsultatione, et simplicitate cordis ;
Cotidie quoque perdurantes unianimiter in templo et frangentes circa domos panem sumebant cibum cum exultatione et simplicitate cordis.
47 Collaudantes Deum, et habentes gratiam ad omnem plebem. Dominus autem augebat qui salvi fierent quotidie in idipsum.
Conlaudantes Deum et habentes gratiam ad omnem plebem Dominus autem augebat qui salvi fierent cotidie in id ipsum.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
