3 Petrus autem et Joannes ascendebant in templum ad horam orationis nonam.
Petrus autem et Iohannes ascendebant in templum ad horam orationis nonam.
2 Et quidam vir, qui erat claudus ex utero matris suæ, bajulabatur ; quem ponebant quotidie ad portam templi, quæ dicitur Speciosa, ut peteret eleemosynam ab introeuntibus in templum.
Et quidam vir qui erat claudus ex utero matris suae baiulabatur quem ponebant cotidie ad portam templi quae dicitur Speciosa ut peteret elemosynam ab introeuntibus in templum.
3 Is cum vidisset Petrum et Joannem incipientes introire in templum, rogabat ut eleemosynam acciperet.
Is cum vidisset Petrum et Iohannem incipientes introire in templum rogabat ut elemosynam acciperet.
4 Intuens autem in eum Petrus cum Joanne, dixit : Respice in nos.
Intuens autem in eum Petrus cum Iohanne dixit respice in nos.
5 At ille intendebat in eos, sperans se aliquid accepturum ab eis.
At ille intendebat in eos sperans se aliquid accepturum ab eis.
6 Petrus autem dixit : Argentum et aurum non est mihi ; quod autem habeo, hoc tibi do. In nomine Jesu Christi Nazareni, surge, et ambula.
Petrus autem dixit argentum et aurum non est mihi quod autem habeo hoc tibi do in nomine Iesu Christi Nazareni surge et ambula.
7 Et apprehensa manu ejus dextera, allevavit eum ; et protinus consolidatæ sunt bases ejus et plantæ ;
Et adprehensa ei manu dextera adlevavit eum et protinus consolidatae sunt bases eius et plantae.
8 Et exsiliens, stetit, et ambulabat ; et intravit cum illis in templum ambulans, et exsiliens, et laudans Deum.
Et exiliens stetit et ambulabat et intravit cum illis in templum ambulans et exiliens et laudans Dominum.
9 Et vidit omnis populus eum ambulantem, et laudantem Deum.
Et vidit omnis populus eum ambulantem et laudantem Deum.
10 Cognoscebant autem illum, quoniam ipse erat, qui ad eleemosynam sedebat ad Speciosam portam templi, et impleti sunt stupore et extasi in eo quod contigerat illi.
Cognoscebant autem illum quoniam ipse erat qui ad elemosynam sedebat ad Speciosam portam templi et impleti sunt stupore et extasi in eo quod contigerat illi.
11 Cum teneret autem Petrum et Joannem, cucurrit omnis populus ad eos, ad porticum quæ appellatur Salomonis, stupentes.
Cum teneret autem Petrum et Iohannem concurrit omnis populus ad eos ad porticum qui appellatur Salomonis stupentes.
12 Videns autem Petrus, respondit ad populum : Viri Israelitæ, quid miramini in hoc ? aut nos quid intuemini, quasi nostra virtute aut potestate fecerimus hunc ambulare ?
Videns autem Petrus respondit ad populum viri israhelitae quid miramini in hoc aut nos quid intuemini quasi nostra virtute aut pietate fecerimus hunc ambulare.
13 Deus Abraham, et Deus Isaac, et Deus Jacob, Deus patrum nostrorum glorificavit Filium suum Jesum, quem vos quidem tradidistis, et negastis ante faciem Pilati, judicante illo dimitii.
Deus Abraham et Deus Isaac et Deus Iacob Deus patrum nostrorum glorificavit Filium suum Iesum quem vos quidem tradidistis et negastis ante faciem Pilati iudicante illo dimitti.
14 Vos autem Sanctum et Justum negastis, et petistis virum homicidam donari vobis ;
Vos autem sanctum et iustum negastis et petistis virum homicidam donari vobis.
15 Auctorem vero vitæ interfecistis, quem Deus suscitavit a mortuis, cujus nos testes sumus.
Auctorem vero vitae interfecistis quem Deus suscitavit a mortuis cuius nos testes sumus.
16 Et in fide nominis ejus, hunc quem vos vidistis et nostis, confirmavit nomen ejus ; et fides, quæ per eum est, dedit integram sanitatem istam in conspectu omnium vestrum.
Et in fide nominis eius hunc quem videtis et nostis confirmavit nomen eius et fides quae per eum est dedit integram sanitatem istam in conspectu omnium vestrum.
17 Et nunc, fratres, scioquia per ignorantiam fecistis sicut et principes vestri.
Et nunc fratres scio quia per ignorantiam fecistis sicut et principes vestri.
18 Deus autem, quæ prænuntiavit per os omnium prophetarum, pati Christum suum, sic implevit.
Deus autem quae praenuntiavit per os omnium prophetarum pati Christum suum implevit sic.
19 Pœnitemini igitur, et convertimini, ut deleantur peccata vestra,
Paenitemini igitur et convertimini ut deleantur vestra peccata.
20 Ut cum venerint tempora refrigerii a conspectu Domini, et miserit eum, qui prædicatus est vobis, Jesum Christum.
Ut cum venerint tempora refrigerii a conspectu Domini et miserit eum qui praedicatus est vobis Iesum Christum.
21 Quem oportet quidem cælum suscipere usque in tempora restitutionis omnium quæ locutus est Deus per os sanctorum suorum a seculo prophetarum.
Quem oportet caelum quidem suscipere usque in tempora restitutionis omnium quae locutus est Deus per os sanctorum suorum a saeculo prophetarum.
22 Moyses quidem dixit : Quiniam prophetam suscitabit vobis Dominus Deus vester de fratribus vestris tanquam me ; ipsum audietis juxta omnia quæcumque locutus fuerit vobis ;
Moses quidem dixit quia prophetam vobis suscitabit Dominus Deus vester de fratribus vestris tamquam me ipsum audietis iuxta omnia quaecumque locutus fuerit vobis.
23 Erit autem : omnis anima quæ non audierit prophetam illum, exterminabitur de plebe.
Erit autem omnis anima quae non audierit prophetam illum exterminabitur de plebe.
24 Et omnes prophetæ a Samuel, et deinceps, qui locuti sunt, annuntiaverunt dies istos.
Et omnes prophetae a Samuhel et deinceps qui locuti sunt et adnuntiaverunt dies istos.
25 Vos estis filii prophetarum, et testamenti quod disposuit Deus ad patres nostros, dicens ad Abraham : Et in semine tuo benedicentur omnes familiæ terræ.
Vos estis filii prophetarum et testamenti quod disposuit Deus ad patres vestros dicens ad Abraham et in semine tuo benedicentur omnes familiae terrae.
26 Vobis primum Deus suscitans Filium suum, misit eum benedicentem vobis, ut convertat se unusquisque a nequitia sua.
Vobis primum Deus suscitans Filium suum misit eum benedicentem vobis ut convertat se unusquisque a nequitia sua.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
