12 Obsecro itaque vos, fratres, per misericordiam Dei, ut exhibeatis corpora vestra hostiam viventem, sanctam, Deo placentem rationabile obsequium vestrum.
Obsecro itaque vos fratres per misericordiam Dei ut exhibeatis corpora vestra hostiam viventem sanctam Deo placentem rationabile obsequium vestrum.
2 Et nolite conformari huic seculo, sed reformamini in novitate sensus vestri, ut probetis quæ sit voluntas Dei bona, et beneplacens, et perfecta.
Et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta.
3 Dico enim per gratiam quæ data est mihi, omnibus qui sunt inter vos, non plus sapere quam oportet sapere ; sed sapere ad sobrietatem, et unicuique sicut Deus divisit mensuram fidei.
Dico enim per gratiam quae data est mihi omnibus qui sunt inter vos non plus sapere quam oportet sapere sed sapere ad sobrietatem unicuique sicut Deus divisit mensuram fidei.
4 Sicut enim in uno corpore multa membra habemus, omnia autem membra non eundem actum habent ;
Sicut enim in uno corpore multa membra habemus omnia autem membra non eundem actum habent.
5 Ita multi unum corpus sumus in Christo, singuli autem alter alterius membra.
Ita multi unum corpus sumus in Christo singuli autem alter alterius membra.
6 Habentes autem donationes secundum gratiam quæ data est nobis, differentes ; sive prophetiam secundum rationem fidei.
Habentes autem donationes secundum gratiam quae data est nobis differentes sive prophetiam secundum rationem fidei.
7 Sive ministerium in ministrando, sive qui docet in doctrina,
Sive ministerium in ministrando sive qui docet in doctrina.
8 Qui exhortatur in exhortando, qui tribuit in simplicitate, qui præest in sollicitudine, qui miseretur in hilaritate.
Qui exhortatur in exhortando qui tribuit in simplicitate qui praeest in sollicitudine qui miseretur in hilaritate.
9 Dilectio sine simulatione. Odientes malum, adherentes bono.
Dilectio sine simulatione odientes malum adherentes bono.
10 Caritatem fraternitatis invicem diligentes. Honore invicem prævenientes.
Caritatem fraternitatis invicem diligentes honore invicem praevenientes.
11 Sollicitudine non pigri. Spiritu ferventes. Domino servientes.
Sollicitudine non pigri spiritu ferventes Domino servientes.
12 Spe gaudentes. In tribulatione patientes. Orationi instantes.
Spe gaudentes in tribulatione patientes orationi instantes.
13 Necessitatibus sanctorum communicantes. Hospitalitatem sectantes.
Necessitatibus sanctorum communicantes hospitalitatem sectantes.
14 Benedicite persequentibus vos, benedicite, et nolite maledicere.
Benedicite persequentibus benedicite et nolite maledicere.
15 Gaudere cum gaudentibus, flere cum flentibus.
Gaudere cum gaudentibus flere cum flentibus.
16 Idipsum invicem sentientes. Non alta sapientes, sed humilibus consentientes. Nolite esse prudentes apud vosmetipsos.
Id ipsum invicem sentientes non alta sapientes sed humilibus consentientes nolite esse prudentes apud vosmet ipsos.
17 Nulli malum pro malo reddentes ; providentes bona non tantum coram Deo, sed etiam coram omnibus hominibus.
Nulli malum pro malo reddentes providentes bona non tantum coram Deo sed etiam coram omnibus hominibus.
18 Si fieri potest, quod ex vobis est, cum omnibus pacem habentes.
Si fieri potest quod ex vobis est cum omnibus hominibus pacem habentes.
19 Non vosmetipsos defendentes, carissimi, sed date locum iræ Scriptum et enim : Mihi vindicta, ego retribuam, dicit Dominus.
Non vosmet ipsos defendentes carissimi sed date locum irae scriptum est enim mihi vindictam ego retribuam dicit Dominus.
20 Sed si esurierit inimicus tuus, ciba illum ; si sitit, potum da illi. Hoc enim faciens, carbones ignis congeres super caput ejus.
Sed si esurierit inimicus tuus ciba illum si sitit potum da illi hoc enim faciens carbones ignis congeres super caput eius.
21 Noli vinci a malo ; sed vince in bono malum.
Noli vinci a malo sed vince in bono malum.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
