3 Nolite plures magistri fieri, fratres mei, scientes quoniam majus judicium sumitis.
Nolite plures magistri fieri fratres mei scientes quoniam maius iudicium sumitis.
2 In multis enim offendimus omnes. Si quis in verbo non offendit, hic perfectus est vir ; potest etiam freno circumducere totum corpus.
In multis enim offendimus omnes si quis in verbo non offendit hic perfectus est vir potens etiam freno circumducere totum corpus.
3 Si autem equis frena in ora mittimus ad consentiendum nobis, et omne corpus illorum circumferimus.
Si autem equorum frenos in ora mittimus ad consentiendum nobis et omne corpus illorum circumferimus.
4 Ecce et naves, cum magnæ sint, et a ventis validis minentur, circumferuntur a modico gubernaculo ubi impetus dirigentis voluerit.
Ecce et naves cum magnae sint et a ventis validis minentur circumferuntur a modico gubernaculo ubi impetus dirigentis voluerit.
5 Ita et lingua modicum quidem membrum est, et magna exaltat. Ecce quantus ignis quam magnam silvam incendit !
Ita et lingua modicum quidem membrum est et magna exultat ecce quantus ignis quam magnam silvam incendit.
6 Et lingua ignis est, universitas iniquitatis : Lingua constituitur in membris nostris, quæ maculat totum corpus ; et inflammat rotam nativitatis nostræ, inflammata a gehenna.
Et lingua ignis est universitas iniquitatis lingua constituitur in membris nostris quae maculat totum corpus et inflammat rotam nativitatis nostrae inflammata a gehenna.
7 Omnis enim natura bestiarum, et volucrum, et serpentium, et ceterorum domantur, et domita sunt a natura humana ;
Omnis enim natura bestiarum et volucrum et serpentium etiam ceterorum domantur et domita sunt a natura humana.
8 Linguam autem nullus hominum domare potest : inquietum malum, plena veneno mortifero.
Linguam autem nullus hominum domare potest inquietum malum plena veneno mortifero.
9 In ipsa benedicimus Deum et Patrem, et in ipsa maledicimus homines, qui ad similitudinem Dei facti sunt.
In ipsa benedicimus Dominum et Patrem et in ipsa maledicimus homines qui ad similitudinem Dei facti sunt.
10 Ex ipso ore procedit benedictio et maledictio. Non oportet, fratres mei, hæc ita fieri.
Ex ipso ore procedit benedictio et maledictio non oportet fratres mei haec ita fieri.
11 Numquid fons de eodem foramine emanat dulcem et amaram aquam ?
Numquid fons de eodem foramine emanat dulcem et amaram aquam.
12 Numquid potest, fratres mei, ficus uvas facere, aut vitis ficus ? Sic neque salsa dulcem potest facere aquam.
Numquid potest fratres mei ficus olivas facere aut vitis ficus sic neque salsa dulcem potest facere aquam.
13 Quis sapiens, et disciplinatus inter vos ? Ostendat ex bona conversatione operationem suam in mansuetudine sapientiæ.
Quis sapiens et disciplinatus inter vos ostendat ex bona conversatione operationem suam in mansuetudine sapientiae.
14 Quod si zelum amarum habetis, et contentiones sint in cordibus vestris, nolite gloriari, et mendaces esse adversus veritatem ;
Quod si zelum amarum habetis et contentiones in cordibus vestris nolite gloriari et mendaces esse adversus veritatem.
15 Non est enim ista sapientia desursum descendens, sed terrena, animalis, diabolica.
Non est ista sapientia desursum descendens sed terrena animalis diabolica.
16 Ubi enim zelus et contentio, ibi inconstantia et omne opus pravum.
Ubi enim zelus et contentio ibi inconstantia et omne opus pravum.
17 Quæ autem desursum est sapientia, primum quidem pudica est, deinde pacifica, modesta, suadibilis, bonus consentiens, plena misericordia et fructibus bonis ; non judicans, sine simulatione.
Quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione.
18 Fructus autem justitiæ, in pace seminatur, facientibus pacem.
Fructus autem iustitiae in pace seminatur facientibus pacem.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
