2 Tu autem loquere quæ decent sanam doctrinam ;
Tu autem loquere quae decet sanam doctrinam.
2 Senes ut sobrii sint, pudici, prudentes sani, in fide, in dilectione, in patientia ;
Senes ut sobrii sint pudici prudentes sani fide dilectione patientia.
3 Anus similiter in habitu sancto ; non criminatrices, non multo vino servientes, bene docentes ;
Anus similiter in habitu sancto non criminatrices non vino multo servientes bene docentes.
4 Ut prudentiam doceant adolescentulas, ut viros suos ament, filios suos diligant ;
Ut prudentiam doceant adulescentulas ut viros suos ament filios diligant.
5 Prudentes, castas, sobrias, domus curam habentes, benignas, subditas viris suis, ut non blasphemetur verbum Dei.
Prudentes castas domus curam habentes benignas subditas suis viris ut non blasphemetur verbum Dei.
6 Juvenes similiter hortare ut sobrii sint.
Iuvenes similiter hortare ut sobrii sint.
7 In omnibus teipsum præbe exemplum bonorum operum, in doctrina, in integritate, in gravitate ;
Verbum sanum inreprehensibilem ut is qui ex adverso est vereatur.
8 Verbum sanum, irreprehensibile, ut is qui ex adverso est vereatur, nihil habens malum dicere de nobis.
Verbum sanum inreprehensibilem ut is qui ex adverso est vereatur.
9 Servos dominis suis subditos esse, in omnibus placentes, non contradicentes,
[Servos dominis suis subditos esse in omnibus placentes non contradicentes]
10 Non fraudantes, sed in omnibus fidem bonam ostendentes, ut doctrinam Salvatoris nostri Dei ornent in omnibus.
[Non fraudantes sed in omnibus fidem bonam ostendentes ut doctrinam Salvatoris nostri Dei ornent in omnibus.]
11 Apparuit enim gratia Dei, Salvatoris nostri, omnibus hominibus ;
Apparuit enim gratia Dei salutaris omnibus hominibus.
12 Erudiens nos, ut abnegantes impietatem, et secularia desideria, sobrie, et juste, et pie vivamus in hoc seculo,
Erudiens nos ut abnegantes impietatem et saecularia desideria sobrie et iuste et pie vivamus in hoc saeculo.
13 Exspectantes beatam spem, et adventum gloriæ magni Dei, et Salvatoris nostri, Jesu Christi,
Expectantes beatam spem et adventum gloriae magni Dei et salvatoris nostri Iesu Christi.
14 Qui dedit semetipsum pro nobis, ut nos redimeret ab omni iniquitate, et mundaret sibi populum acceptabilem, sectatorem bonorum operum.
Qui dedit semet ipsum pro nobis ut nos redimeret ab omni iniquitate et mundaret sibi populum acceptabilem sectatorem bonorum operum.
15 Hæc loquere, et exhortare, et argue cum omni imperio. Nemo te contemnat.
Haec loquere et exhortare et argue cum omni imperio nemo te contemnat.
Hieronymus Vulgata (IntraText Edition - Concordantiæ biblicæ plenæ) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org — Nova Vulgata Bibliorum Sacrorum Editio.
